काठमाडौं । महिला प्रकरणमा परेपछि गृह मन्त्रालयले जिल्ला प्रहरी कार्यालय हुम्लाका प्रहरी प्रमुख (डीएसपी) भीमलाल भट्टराई निलम्बन गरेको छ ।

डीएसपी भट्टराईविरुद्ध महिला प्रहरीमाथि यौन हिंसा गरेको उजुरी परेको छ । त्यसपछि उनी जिम्मेवारीबाट हटाइएका छन् भने पदबाट निम्बनमा पनि परेका छन् ।

रक्सी खाएर सिमकोट विमानस्थलमा कार्यरत महिला प्रहरीमाथि डीएसपी भट्टराईले यौन दुर्व्यवहार गरेको उजुरी परेको थियो ।

उनलाई कार्यालयकै महिला प्रहरीले मदिराको नशामा यौन दुर्व्यवहार गरेको उजुरी प्रधान कार्यालयमा दर्ता गरेकी थिइन् ।

भट्टराईलाई प्रहरी प्रधान कार्यालयले हुम्ला जिल्लाको प्रहरी प्रमुखको जिम्मेवारीबाट समेत हटाएर कर्णाली प्रदेश प्रहरी कार्यालय तानेको छ ।

जिल्ला प्रहरी कार्यालय हुम्लाको प्रहरी प्रमुखमा डीएसपी रविन्द्र खनाललाई पठाइएको छ ।

निलम्बनमा परेपछि डीएसपी भट्टराईले अहिले आफू निक्कै तनाबमा रहेको बताएका छन् । उनले केही दिनमा सत्य कुरा बताउने बताएका छन् ।