पूर्वमन्त्री प्रभु साहकी पत्नी रिनाकुमारीको मेयर पद गयो

काठमाडौं । पूर्वमन्त्री समेत रहेका प्रभ साहकी पत्नी रिनाकुमार साहले नगर प्रमुख (मेयर)को पद गुमाएकी छिन् ।

रौतहटको मौलापुर नगरपालिकाकी नगरप्रमुख साहको पद गुमेको छ । निर्वाचन आयोगको कार्यालयमा दल त्यागसम्बन्धी एमालेले निवेदन दिएपछि साहको पद गुमेको छ ।

साहले २०७९ वैशाख ३० गते भएको स्थानीय तह निर्वाचनमा एमालेबाट निर्वाचित भएकी थिइन् ।

एमाले छाडेर पति प्रभु साहको आम जनता पार्टी प्रवेश गरेको भन्दै एमालेले दल त्यागको निर्वाचन आयोगलाई जानकारी गराएको थियो ।

आयोगले मंगलबार राजनीतिक दलसम्बन्धी ऐन, २०७३ को दफा ३२ को उपदफा (१) र राजनीतिक दलसम्बन्धी नियमावली, २०७४ को नियम २२ अनुसार साहले दल त्याग गरेकाले मेयर पद रिक्त भएको सूचना निकालेको छ ।

साह दोस्रो पटक मौलापुर नगरपालिकाको प्रमुखमा निर्वाचित भएकी हुन् ।

Published : Tuesday, 2023 October 17, 11:57 pm