काठमाडौं । अनेरास्ववियु जिल्ला कमिटी ओखलढुंगाको बैठक विवादमा तानिएको छ ।

अनेरास्ववियु केन्द्रीय सर्कुलर अनुसार माथिल्लो तहमा प्रतिस्पर्धा गर्ने हरुको तल्लो तहको पद स्वत: मुक्त हुने निर्णयानुसार जिल्ला नेतृत्व बिहीन भए पश्चात् नेतृत्वबीच टकराब बढेको छ ।

चिशंखुगढी गाँउपालिका अन्तर्गत महेश्वर मावि भदैरेमा राहत कोटामा शिक्षक पेसामा रहेका रुपक मगर र संजित तामाङबीच नेतृत्व विवाद हुँदा अनेरास्ववियु ओखलढुंगाको विवाद सतहमा आएको विद्यार्थी नेताहरूले बताएका छन् ।

केन्द्रीय स्थायी कमिटी सदस्य गोपाल नेपालको एक्लौटी र मनोमानी ढंगले साउन १७ गतेको बैठकको नाममा कोठे निर्णय गरेको भन्दै अनेरास्ववियु ओखलढुंगाले भदौ २ गते केन्द्रीय सचिव आरती भट्टराईको उपस्थितिमा बैठक बोलाएको छ ।

राहत शिक्षण पेसामा कार्यरत व्यक्तिले विद्यार्थी संगठनको नेतृत्व हत्याउन खोज्दा चिशंखुगढी गाउँपालिका भने मैन बसेको छ ।