काठमाडौं । नेपाली कांग्रेस, एमाले, माओवादी केन्द्र, जसपा, नेकपा (एकीकृत समाजवादी) र जनमत पार्टीले समितिको सभापति पाउने गरी भागण्बडा मिलेको छ ।

कांग्रेस संसदीय दलका प्रमुख सचेतक रमेश लेखकले कांग्रेसलाई ४ वटा समितिको सभापति मिलेको बताएका छन् ।

एमालेलाई ३, माओवादी केन्द्रलाई २, जसपा, एकीकृत समाजवादी र जनमत एक–एक समितिको सभापति भागमा परेको छ ।

प्रतिनिधि सभामा १० वटा समिति छन् । राष्ट्रिय सभामा ४ वटा समिति छन् । संयुक्त २ वटा संसदीय समितिहरू छन् ।

एमालेलाई राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समिति (संयुक्त), सार्वजनिक लेखा समिति पाउनेछ । एमालेले महिला तथा सामाजिक मामिला समितिको नेतृत्व पनि एमालेले पाउनेछ ।

संसदीय सुनुवाई समिति (संयुक्त) को सभापति कांग्रेसले पाउने सहमति भइसकेको छ । विषयगत समितिमा गठबन्धन दलबीच सहमति हुन बाँकी छ ।

संसदको चौथो ठूलो दल राष्ट्रिय स्वतन्त्र पार्टी (रास्वपा) र पाँचौं ठूलो दल राष्ट्रिय प्रजातन्त्र पार्टी (राप्रपा)ले समितिको नेतृत्व नपाउने भएका छन् ।