कृष्णनगर यात्रुगेटबाट धादिङका दुई महिला पक्राउ, कालो पदार्थ बरामद

काठमाडौं । प्रहरीले कपिलवस्तुबाट चरेस जस्तो देखिने कालो पदार्थसहित दुई जनालाई पक्राउ गरेको छ ।

कृष्णनगर नगरपालिका–२ यात्रुगेटबाट अवैध लागूऔषध चरेस जस्तो देखिने कालो पदार्थ १० किलोग्रामसहित २ जनालाई मंगलबार बिहान प्रहरीले पक्राउ गरेको विज्ञप्तिमार्फत जनाएको छ ।

पक्राउ पर्नेहरूमा धादिङको खनियाबास गाउँपालिका–५ बस्ने ४९ वर्षीया संगीता तामाङ र सत्यवती गाउँपालिका–१ बस्ने ५९ वर्षीया सेती तामाङ रहेका छन् ।

ईलाका प्रहरी कार्यालय कृष्णनगरबाट खटिएको प्रहरीले नेपालबाट भारततर्फ जाँदै गरेका उनीहरूलाई जाँच गर्ने क्रममा कपडामा सिलाई ५/५ केजीका दरले दुवै जनाले कम्मरमा लुकाई राखेको पदार्थसहित फेला पारी पक्राउ गरेको हो ।

चरेस जस्तो कालो पदार्थ बरामद भएको सम्बन्धमा प्रहरीले आवश्यक अनुसन्धान गरिरहेको जनाएको छ ।

Published : Tuesday, 2023 May 9, 8:30 pm