यी पाँचबाट बन्न सक्छन् नयाँ आईजीपी, दाङले पनि पायो एआईजी

काठमाडौं । नेपाल प्रहरीका ५ जना प्रहरी नायब महानिरीक्षकहरूको प्रहरी अतिरिक्त महानिरीक्षकमा बढुवा भएको छ ।

बढुवा हुनेमा डीआईजीहरू बसन्त कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्य रहेका छन् ।

यी ५ जनाबाट नेपाल प्रहरीको भावी प्रहरी महानिरीक्षक (आईजीपी) हुनेछन् । अहिलेको सूचीअनुसार वरीयताको आधारमा आईजीपी बनाउने हो भने बसन्त कुँवर बन्ने सम्भावना छ ।

तर, सरकारले यी ५ जनामध्येबाट कार्यसम्पादन र मूल्यांकनका आधारमा जसलाई पनि आईजीपी बनाउन सक्छ ।

डीआइजीबाट एआईजीमा बढुवा हुनेमा दाङका श्यामलाल ज्ञवाली पनि परेका छन् । राप्ती गाउँपालिका सिसहनियाँ निवासी ज्ञवाली पनि आईजीपी बन्ने दौडमा परेका छन् ।

दाङले यसअघि दुई जना आईजीपी पाइसकेको छ । प्रकाश अर्याल र ठाकुर ज्ञवालीलाई दाङले आईजीपीका रुपमा पाएको थियो ।

Published : Saturday, 2023 March 11, 8:15 am