नवलपरासीमा १६ लाखको कोइलासहित ट्रयाक्टरहरू पक्राउ

काठमाडौं । सशस्त्र प्रहरी बल नेपालले नवलपरासीमा तीन वटा ट्रयाक्टरलाई अबैध कोइरालासहित नियन्त्रणमा लिएको छ ।

प्रतापुर गाउँपालिका– ४ हर्कपुराबाट बिहीबार सशस्त्र प्रहरीले करीव १५ लाख ९८ हजार रुपियाँ बराबरको काठको कोइला र
तीन वटा ट्रयाक्टर नियन्त्रणमा लिएको विज्ञप्तिमार्फत जनाएको छ ।

कोइराला भन्सार छली अवैध रुपमा नवलपरासीमा भित्र्याइएको थियो । लु २ त १९०५, लु २ त ५४०९ र लु २ त १९११ नम्बरको
ट्रयाक्टरमा राखी नेपालतर्फ ल्याउँदै गरेको उक्त कोइला तथा ट्याक्टर सशस्त्र प्रहरी बल नेपाल बिओपी भुजाहाले नियन्त्रणमा लिएको छ ।

ट्रयाक्टर जाँच गर्ने क्रममा चालक भने फरार भएका थिए । नियन्त्रणमा ल्याइएको कोइलासहितको तीन वटा ट्रयाक्टर आवश्यक कारवाहीको लागि महेशपुर भन्सार कार्यालयमा बुझाइएको छ ।

Published : Thursday, 2023 March 2, 5:17 pm