काठमाडौं । गृह मन्त्रालयले काठमाडौंसहित प्रमुख जिल्ला अधिकारी (सीडीओ)हरूको सरुवा गरेको छ ।

गृह मन्त्रालयले उपत्यकालगायत जिल्लाका सीडीओहरूको सरुवा गरेको हो ।

काठमाडौंको प्रमुख जिल्ला अधिकारीमा घनश्याम उपाध्यायलाई ल्याइएको छ । उपाध्याय ललितपुरको प्रमुख जिल्ला अधिकारीको रुपमा कार्यरत थिए ।

काठमाडौंका सीडीओ गोविन्द रिजाललाई मन्त्रालयको कर्मचारी प्रशासन प्रमुखमा सरुवा गरिएको छ ।

कास्कीका प्रमुख जिल्ला अधिकारी जयनारायण आचार्यलाई ललितपुरमा सरुवा गरिएको छ ।

मन्त्रालयको प्रशासन महाशाखा प्रमुख टेकबहादुर केसीलाई कास्कीको प्रमुख जिल्ला अधिकारी बनाइएको छ ।

जुम्लाकी सीडीओ विजयाकुमारी प्रसाइँलाई गृह मन्त्रालय तानिएको छ ।

जुम्लाको सीडीओमा मुकेशकुमार केसरीको सरुवा भएको छ ।

दैलेखको सीडीओमा गोगनबहादुर हमाललाई पठाइएको छ । हमाल सूचना विभागको महानिर्देशक थिए ।

दैलेखका हरि प्याकुरेललाई बाँकेको सहायक प्रमुख जिल्ला अधिकारी बनाइएको छ ।

सूचना विभागका महानिर्देशक गोगनबहादुर हमाल केही समयअघि गृह मन्त्रालयमा सरुवा भएका थिए ।

बाँकेका सहायक प्रमुख जिल्ला अधिकारी टोपेन्द्रबहादुर केसीलाई इलाका प्रशासन कार्यालय सिमरा सरुवा गरिएको छ ।

पाँचथरका सीडीओ सुरेश न्यौपानेलाई मन्त्रालयमा तानिएको छ ।

पाँचथरको सीडीओमा गणेश गैरेलाई पठाइएको छ ।

संखुवासभाको सीडीओमा नुरहरि खतिवडालाई सप्तरीको प्रजिअमा, सप्तरीका प्रजिअ जनार्दन गौतमलाई उदयपुरको प्रजिअ र उदयपुरका वीरेन्द्र यादवलाई संखुवासभाको प्रजिअमा सरुवा गरिएको छ ।