तेमालको अध्यक्षमा कांग्रेसका युवा नेता लामाको दाबी

तेमाल । नेपाली कांग्रेस बागमती प्रदेशका सदस्य गुमानसिंह लामाले काभ्रेपलाञ्चोक जिल्लाको तेमाल गाउँपालिकाको अध्यक्षमा दाबी गरेका छन् ।

युवा नेता लामाले तेमालको अध्यक्षमा आफ्नो दाबी रहेको जनाएका छन् । उनले गाउँपालिकाको अध्यक्षमा आफूलाई पार्टीले टिकट दिनेमा आशावादी रहेको बताएका छन् ।

तेमाल बुुझेको नेतृत्वलाई कांग्रेसले टिकट दिनुपर्ने उनले बताएका छन् । २०५३ सालदेखि कांग्रेसमा सक्रिय लामाले स्थानीय निर्वाचनमा आफूलाई टिकट दिनुपर्ने बताए ।

लामा २०५४ सालको स्थानीय तहको निर्वाचनमा पार्टीका उम्मेदवारलाई जिताउन सक्रिय रुपमा लागेका थिए ।

उनले तेमालमा भौतिक पूर्वाधारसंगै शिक्षा, स्वास्थ्य र पर्यटनलाई प्राथमिकता दिने बताएका छन् ।

लामा कांग्रेसको १३औं महाधिवेसनमा सबैभन्दा बढी मत प्राप्त गरी महाधिवेसन प्रतिनिधि चुनिएका थिए ।

Published : Friday, 2022 April 22, 9:56 pm