काठमाडौं महानगरको मेयरमा एमालेका ५ नेताको नाम सिफारिस, विद्यासुन्दरको कुर्सी खतरामा

काठमाडौं । एमालेले काठमाडौं महानगरपालिकाको मेयरको उम्मेदवारका लागि पाँच जनाको नाम सिफारिस गरेको छ ।

एमाले काठमाडौं महानगर कमिटीले मेयरसहित उप–मेयरका उम्मेदवारको नाम सिफारिस गरेको एमाले नेता कृष्ण राईले जानकारी दिएका छन् ।

मेयरको उम्मेदवारका लागि पूर्वमेयर केशव स्थापित, हालका मेयर विद्यासुन्दर शाक्य तथा पूर्वमन्त्री रामवीर मानन्धर, निर्मल देउला र इन्दिरा पन्त रहेका छन् ।

सिफारिस भएका ५ पाँच जनामध्येबाट पार्टी केन्द्रले मेयरको उम्मेदवार तोक्नेछ ।

उप–मेयरका लागि शान्ति अधिकारी, रत्ना गुरुङ, पेम्बा लामा, निना काफ्लेको नाम सिफारिस गरिएको छ ।

एमालेबाट काठमाडौं महानगरपालिकाको मेयरमा जितेका विद्यासुन्दर शाक्यले सिन्को पनि नभाँचेको भनेर आरोप लागेका बेला एमालेले कसलाई टिकट दिने हो खुलेको छैन ।

Published : Thursday, 2022 April 14, 9:13 pm