काठमाडौं । झण्डै दुईतिहाइको कम्युनिस्ट सरकारले कटाएको दसैँ र तिहारको विदा नेपाली कांग्रेस नेतृत्वको सरकारले बढाउने निर्णय गरेको छ ।

सोमबार बसेको मन्त्रिपरिषदमा गृहमन्त्री बालकृष्ण खाणद्वारा प्रस्ताव गरिएको विदालाई पारित गर्ने निर्णय गरेको हो ।

सरकारले २०७९ सालमा दसैँ–तिहारको बिदा लम्ब्याएर नौ दिन बढाएको छ ।

आगामी वर्ष दसैँको विजयादशमीको पर्सिपल्ट (द्वादशी)सम्म बिदा दिने निर्णय भएको छ । कम्युनिस्ट सरकारले यसअघि टीकाको भोलिपल्ट (एकादशी)सम्म मात्र बिदा हुन्थ्यो ।

अब तिहारमा भाइटीकाको भोलिपल्ट पनि बिदा हुनेछ । नेवार समुदायले त्यस दिन भाइटीकाकै रूपमा किजा पूजा गर्छन् ।

आगामी वर्ष क्रिसमस, धान्नेपूर्णे (वैशाख पूर्णिमा), मोहम्मदजयन्तीमा पनि बिदा दिने निर्णय भएको छ ।

तमु तथा सोनाम ल्होसार र मुस्लिम समुदायको दुईवटा चाडमा पनि बिदा दिने निर्णय भएको छ ।

यी चाडपर्वमा बिदा दिइएकोमा आगामी वर्ष भने बिदासम्बन्धी सूचनामै यसलाई समेट्ने निर्णय भएको छ ।

प्रधानमन्त्री शेरबहादुर देउवाले झण्डै दुईतिहाइको अघिल्लो कम्युनिस्ट सरकारले गरेका गलत निर्णयलाई उल्ट्याएर जनताको पक्षमा काम गर्दै आएका छन् ।

९० प्रतिशतभन्दा पनि धेरै हिन्दु रहेको देशमा हिन्दुधर्मालम्बीहरूलाई असर पर्ने गरेर तत्कालीन कम्युनिस्ट प्रधानमन्त्री खड्गप्रसाद ओलीले दसैँ–तिहारसहितका पर्वको विदा कटौती गरेर अन्याय गरेका थिए । ओली र उनको कम्युनिस्ट सरकारको गतिविधि हिन्दु धर्म विरोधी भएको भन्दै आलोचना भएका थियो ।