नेपाली सेनालाई भारतीय सेनाद्वारा कोरोनाविरुद्धको भ्याक्सिन उपहारमा प्रदान
काठमाडौं । नेपाली सेनालाई भारतीय सेनाले कोरोनाविरुद्धको एक लाख भ्याक्सिन सहयोग दिएको छ ।
आइतबार त्रिभुवन अन्तर्राष्ट्रिय विमानस्थलमा नेपालका लागि भारतीय राजदूतावासका सैनिक सहचारीले नेपाली सेनाका पदाधिकारीलाई भ्याक्सिन हस्तान्तरण गरेका हुन् ।
सैनिक जनसम्पर्क निर्देशनालयका प्रवक्ता सन्तोषबल्लभ पौडेलले भारतीय सेनाद्वारा १ लाख डोज कोरोनाविरुद्धको भ्याक्सिन सहयोग आएको बताए ।
नेपाली सेनाले प्राप्त गरेको कोभिसिल्ड भ्याक्सिन संगठनभित्रका सैनिक र उनीहरूको आश्रित परिवारहरुलाई हस्तान्तरण गरिने प्रवक्ता पौडेलले जानकारी दिएका छन् ।
यसअघि भारत सरकारले नेपाल सरकारलाई १० लाख डोज कोभिसिल्ड भ्याक्सिन सहयोग गरेको थियो ।
भारत सरकारले माघ ८ गते छिमेक नीतिअन्तर्गत नेपाललाई पहिलो चरणमा उपहारस्वरुप १० लाख डोज भ्याक्सिन सहयोग गरेको थियो ।
Published : Monday, 2021 March 29, 7:52 am
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया