कठमाडौं । नेपाली कांग्रेसका युवा नेता एवम् पूर्व राज्यमन्त्री उदयशम्शेर राणाले प्रधानमन्त्री खड्ग्रसाद ओलीले अध्यादेशबाट मुलुक चलाउन खोजेको भन्दै आलोचना गरेका छन् ।

कांग्रेस नेता राणाले मंगलबार ट्वीट गर्दै संसदलाई ६ महिनादेखि बन्धक बनाएर ओलीले अध्यादेशबाट देश चालउन खोजेको बताए ।

‘६ महिना हुँदैछ संसद् स्थगन गरेको । जनप्रतिनिधिमुलक संस्थालाई बन्धक बनाएर ओलीले अध्यादेशबाट मुलुक चलाउने पुरानै बाटोमा अगाडि बढेका छन्’, कांग्रेस नेता राणाले भनेका छन् ।

‘सर्वसत्तावादको यात्रामा राष्ट्रपतिको साथ । प्रधानमन्त्री र राष्ट्रपतिको संदिग्ध भूमिकाले लोकतन्त्र धरापमा । अब व्यवस्था जोगाउन ओलीको बिकल्प अनिवार्य’, उनले भनेका छन् ।

ओलीले संवैधानिक परिषदको बैठकसम्बन्धी अध्यादेश जारी गरेपछि कांग्रेसका युवा नेता राणाले राष्ट्रपति विद्यादेवी भण्डारी र प्रधानमन्त्री ओलीको भूमिकाप्रति आशंका जनाएका हुन् ।