कांग्रेसको कार्यसमिति बैठक बस्दै, संशोधनबारे निर्णय हुने
काठमाडौं । संविधान संशोधनका विषयमा छलफल गर्न प्रमुख विपक्षी दल नेपाली कांग्रेसले केन्द्रीय कार्यसमितिको बैठक बोलाएको छ ।
ललितपुरको सानेपास्थित पार्टी मुख्यालयमा आज (शनिबार) कांग्रेसको केन्द्रीय कार्यसमितिको बैठक बस्न लागेको प्रवक्ता विश्वप्रकाश शर्माले जानकारी दिए । कार्यसमितिको बैठक दिउँसो एक बजेट पार्टी मुख्यालयमा बस्नेछ ।
बैठकमा लिम्पियाधुरा, लिपुलेक र कालापानी समेटिएको नयाँ नक्सासम्बन्धी संविधान संशोधनका विषयमा छलफल र निर्णय हुने शर्माले बताए ।
कांग्रेसले संविधान संशोधनमा आधिकारिक धारणा सार्वजनिक गर्न कार्यसमितिको बैठक बोलाएको हो ।
कांग्रेसले संविधान संशोधनलाई सहयोग गर्ने सकारात्मक सन्देश यसअघि दिइसकेको छ ।
दुई दिन अगाडि प्रवक्ता शर्माले पत्रकार सम्मेलन गरेर सरकारले संविधान संशोधन प्रस्ताव अगाडि बढायो भने सरकार राष्ट्रियताको विषयमा पछाडि नहट्ने साथ दिने बताएका थिए ।
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया