विद्या भण्डारीको निम्तो कांग्रेसका तीन नेताद्वारा बहिस्कार, केही नेतासँग गोप्य भेट
काठमाडौं । राष्ट्रपति विद्या भण्डारीले नेपाली कांग्रेसका नेताहरूलाई बोलाएर छलफल गरेको रहस्य बाहिर आएको छ ।
भण्डारीले पछिल्ला दिनमा अनावश्यक रुपमा राजनीतिक सक्रियता बढाउँदै भन्दै आलोचना भइरहेका बेला उनले नेपाली कांग्रेसका नेताहरूसँग गुपचुप छलफल गरेकी हुन् ।
राष्ट्रपति भण्डारीले बुधबार नेपाली कांग्रेसका केन्द्रीय तहका केही नेताहरूलाई शीतल निवासमा बोलाएर डेढघण्टा छलफल गरेकी छिन् ।
राष्ट्रपति भण्डारीले कांग्रेस नेताहरू प्रदीप गिरी, कृष्णप्रसाद सिटौला, डा.रामशरण महत, डा.नारायण खड्का, डा.शेखर कोइराला, ज्ञानेन्द्रबहादुर कार्की र सुजाता कोइरालालाई बोलाएकी थिइन् ।
भण्डारीको निम्तो स्वीकार गरेर शीतल निवासमा डा.नारायण खड्का, डा.शेखर कोइराला, ज्ञानेन्द्रबहादुर कार्की र सुजाता कोइराला गएका थिए । कृष्णप्रसाद सिटौला, डा.रामशरण महत र प्रदीप गिरीले भण्डारीको निम्तो बहिस्कार गरिदिएका छन् ।
डेढ घण्टा लामो भेटमा राष्ट्रपति भण्डारीले संविधानको कार्यान्वयनमा चासो देखाएको बताइएको छ ।
कांग्रेस नेताहरूसंग भण्डारीले संविधानको प्रस्ताबनामै समाजवादप्रति प्रतिबद्ध उल्लेख गरिएकोले त्यसबारे कांग्रेसको धारणा जान्ने रहर लागेर तपाईहरूलाई बोलाएको हुँ भनेर भनेकी थिइन् ।
संविधान कार्यान्वयनलाई चासो देखाएको जस्तो गरे पनि राष्ट्रपति भण्डारीले समाजवाद उन्मुख अर्थतन्त्रलाई कसरी अघि बढाउने भनेर पछिल्लो समय कार्यकारी प्रमुखले जस्तो गरी भेटघाट र छलफल अघि बढाएकी छिन् । जुन राष्ट्रपतिको नभई सरकार प्रमुखको चासोको विषय हो ।
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया