हुम्लामा कम्युनिस्टसँग भिड्न सात कमाण्डर तोकिए
सिमकोट । नेपाली कांग्रेस हुम्लाले सात वटा गाउँपालिकाको सभापति चयन गरेको छ ।
नेपाली कांग्रेस हुम्लाको बिहीबार बसेको जिल्ला कार्य समितिको बैठकले गाउँपालिकाका सभापतिहरू चयन गरेको हो ।
हुम्ला जिल्लामा कम्युनिस्टहरूले नेपाली कांग्रेसलाई पेल्न खोजिरहेका बेला कांग्रेसले गाउँपालिकाको सभापतिहरू चयन गरेको छ ।
नेपाली कांग्रेस हुम्लाका सभापति जयपति रोकायाले सात वटा गाउँपालिकाको सभापतिहरू चयन गरिएको जानकारी दिए ।
नाम्खा गाउँपालिकामा निमा लामा, सिमकोट गाउँपालिकामा अकिल शाही, खार्पुनाथ गाउँपालिकामा बल वुमी, सर्केगार्ड गाउँपालिकामा नैन थापा, चंखेली गाउँपालिकामा कर्णप्रसाद जैशी, अदानचुली शेर बुढा र ताँजाकोट गाउँपालिकामा जंगलाल खड्का सभापति छनौट भएका छन् ।
पुस १५ गतेसम्म सबै गाउँपालिकाको पूर्ण संरचना बनाउनका लागि पार्टीले परिपत्र पनि गरिसकेको सभापति रोकायले बताए ।
लामो समयसम्म रिक्त रहेको नेपाली कांग्रेस जिल्ला कार्य समितिको सहसचिवमा रीता लामा चयन गरेको छ ।
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया