काठमाडौं । दुईतिहाइको बलियो कम्युनिस्ट सरकारका प्रधानमन्त्री खड्गप्रसाद ओली त्रिभुवन अन्तर्राष्ट्रिय विमानस्थलमा उडान रोकेको विरोधमा यात्रुहरूले विरोध जनाएका छन् ।

काठमाडौंबाट भद्रपुर उड्ने तयारीमा रहेको एसएचए ९४१ कलसाइन भएको श्रीएयर लाइन्स विमानलाई आइतबार बिहान उड्नै लाग्दा विमानस्थलले रोकेको थियो ।

रनवेमा जान लागेको विमानको ईञ्जिन बन्द गर्न लगाएपछि यात्रुहरू आक्रोशित हुँदै बाहिर झरेका थिए ।

स्थिति असामान्य बनेपछि प्रहरी आएर अबस्थालाई सामान्य बनाएको थियो ।

कम्युनिस्ट सरकारका प्रधानमन्त्री ओली अजरबैजानको बाकुबाट त्रिभुवन अन्तर्राष्ट्रिय विमानस्थलमा ओर्लिंदा केहीबेर उडान अवतरण बन्द गरिएको थियो ।

ओली कात्तिक ७ गते अजरबैजान जाँदा पनि उडान अवतरण बन्द गरिएको थियो ।

त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले नोटाम जारी गरिएको समयमा भीभीआईपी उडानलाई असर नपरोस् भनेर केहीबेर विमान उड्न रोकिएको बताए ।

तिहार मनाउन घर जान हिँडेका यात्रुहरूलाई कम्युनिस्ट सरकारका प्रधानमन्त्री ओली चढेको विमान अवतरण गर्ने क्रममा अन्य यात्रुलाई असर पर्ने गरेर उडानहरू रोकेको यो पहिलो घटना होइन ।

राष्ट्रपति विद्यादेवी भण्डारीको भ्रमणको बेलामा पनि पटक–पटक उडान–अवतरण अबरुद्ध गर्ने गरिएको छ ।