काठमाडौं । कम्युनिस्ट सरकारले धर्म, संस्कृति र संस्कार मास्ने गरेर ल्याएको गुठी विधेयकको विरोधमा नेपाली कांग्रेसले काठमाडौंमा भव्य प्रदर्शन गरेको छ ।

नेपाली कांग्रेस काठमाडौं महानगरपालिका समितिले आइतबार अपरान्ह विरोध जुलुस र र्‍याली निकालेको हो । विरोध जुलुस वसन्तपुर परिक्रममा गरी इन्द्रचोकमा पुगेर कोण सभामा परिणत भएको थियो ।

र्‍यालीमा सहभागीले गुठी विधेयक खारेज गर, हाम्रो धर्म, संस्कार र संस्कृति प्राणभन्दा प्यारो छ, गुठियारको अधिकार खोस्न पाइँदैनलगायतका प्लेकार्ड बोकेर प्रदर्शनमा उत्रिएका थिए ।

विरोध जुलुस र र्‍यालीमा नेपाली कांग्रेसका नेता प्रकाशमान सिंह, सहमहामन्त्री डा.प्रकाश शरण महत, नेताहरू भीमसेनदाश प्रधान, गगन थापा, नवीन्द्रराज जोशी, राजन केसी, ध्यानगाेविन्द रन्जित, कल्याणी काेइराला, सबुज बानियाँसहितका नेताहरूको सहभागिता रहेको थियो ।

सयौँको संख्यामा रहेका नेपाली कांग्रेसका कार्यकर्ताहरूले कम्युनिस्ट सरकारविरुद्ध नारावाजी गरेका थिए ।