कांग्रेसको विधान मस्यौदा समितिको कार्यविधि स्वीकृत
काठमाडौं । नेपाली कांग्रेसको विधान संशोधन मस्यौदा समितिले आफ्नो कार्यविधि २०७५ लाई स्वीकृत गरेको छ ।
ललितपुरको सानेपास्थित पार्टी मुख्यालयमा मंगलबार बसेको समितिको बैठकले कांग्रेसको विधानमा गरिनु पर्ने संशोधन र परिमार्जनका विषयमा सबैसँग सुझाव माग गर्ने निर्णय गरेको छ ।
कांग्रेस कार्यसमितिका पदाधिकारी एवं सदस्यहरू, संघीय संसदीय दल, प्रदेश सभा संसदीय दलबाट लिखित राय सुझाव पठाउनका लागि अनुरोध गर्ने निर्णय भएको जारी विज्ञप्तिमा उल्लेख छ ।
पार्टी निकट सबै भातृ एवं शुभेच्छुक संघ संस्था र विदेशस्थित जनसम्पर्क समितिहरूबाट २०७५ भदौ २१ गतेभित्र केन्द्रमा प्राप्त हुने गरी संस्थागत राय सुझाव पठाउनका लागि समितिले आग्रह गरेको छ । विधानका लागि शुभेच्छकहरूले मेलबाट राय सुझाव पठाउन सकिने पनि जनाइएको छ ।
समितिको अर्को बैठक भदौ १३ गते दिउँसो पुनः बस्ने गरी स्थगित भएको छ ।
फेसबुकबाट तपाईको प्रतिक्रिया
बिचार/ब्लग
कहाँ पुग्यो जेनजी आन्दोलन ?
युवराज संग्रौला
यसमा तपाइको मत