यी हुन् दाङबाट कांग्रेसको विभागमा मनोनीत हुने नेताहरू
काठमाडौं । नेपाली कांग्रेसका सभापति शेरबहादुर देउवाद्वारा गठन गरिएका विभागहरूमा दाङले उल्लेख्य स्थान पाएको छ ।
संगठन विभाग, तरुण विभाग जस्ता राम्रा विभागमा समेत देउवाले मनोनीत गरेका छन् । आइतबार देउवाले विस्तार गरिएका विभागहरूमा पूर्वसांसद राजु खनाललाई संगठन विभागको सदस्यमा मनोनीत गरेका छन् ।
तरुण विभागको सदस्यमा अनुराग खड्कालाई मनोनीत गरिएको छ । खड्का नेपाली कांग्रेसका नेता स्व.खुमबहादुर खड्काका छोरा हुन् ।
शिक्षा विभागमा चिन्ताबहादुर बुढाथोकी, यातायात व्यवसायी समन्वय विभागमा ध्रुब केसी र सुरेश हमाल, मुस्लिम विभागमा लालमोहम्मद मियाँ, तराई मधेस समन्वय विभागमा अनुराग यादव मनोनीत भएका छन् ।
पूर्वसांसद समेत रहेकी नेतृ सुशीला चौधरी वित्तीय तथा सहकारी संस्था समन्वय विभागको सदस्यमा मनोनीत भएकी छिन् ।
स्थानीय तह समन्वय विभागको सदस्यमा भरत केसी र नहकुल केसी तथा खेलकुद विभाग जीतबहादुर केसी मनोनीत भएका छन् । स्थानीय तह समन्वय विभागमा मनोनीत भएका नहकुल केसी गरिवी निवारण कोषमा कार्यकारी निर्देशक रहेका थिए ।
फेसबुकबाट तपाईको प्रतिक्रिया