कोरोना फैलाएको आरोपमा चीनमाथि २० ट्रिलियन डालरको मुद्दा

वाशिंगटन । अमेरिकाको एक कम्पनीले चीन सरकारमाथि २० ट्रिलियन डालर क्षतिपूर्तिको माग गर्दै मुद्दा दायर गरेको छ ।

सो कम्पनीले आरोप लगाउँदै भनेको छ– चीनले कोरोना भाइरसको प्रसार एक जैविक हथियारको रुपमा गरेको छ । उक्त कम्पनीले चीनले वास्तवमा अमेरिकी नागरिकहरूलाई मार्ने र रोगी बनाउने षडयन्त्र रचेको आरोप लगाएको छ ।

अमेरिकाको टेक्सासस्थित बज फोटोजले अधिवक्ता लैरी क्लेमैन र फ्रीडम वाचको साथमा चीन सरकार, चिनियाँ सेना, वुहान इंस्टीट्यूट आफ भाईरोलाजी, वुहान इंस्टीट्यूटका डाइरेक्टर शी झेनग्ली तथा चिनियाँ सेनाको मेजर जनरल छेन वेई कोविरुद्ध यो मुद्दा दायर गरेको छ ।

उनीहरूले चिनियाँ प्रशासनले एक जैविक हथियार तयार गरिरहेको आरोप लगाइएको छ । जसका कारण कोरोना भाइरस फैलिएको भनिएको छ । सोही कारणले आफूहरूले २० ट्रिलियन डालरको क्षतिपूर्तिको माग गरेको मुद्धामा जनाइएको छ ।

उनीहरूको आरोप छ कि वुहान भाइरोलोजी इंस्टीट्यूटद्वारा यस भाइरसलाई जानाजान बाहिर छोडिएको हो । चीनले कोरोना भाइरसको ‘निर्माण’ ठूलो जनसंहारका लागि गरेको आक्षेप लगाइएको छ ।

उनीहरूले यो पनि भनेको छ कि जैविक हथियारहरूलाई १९२५ मा नै गैरकानूनी घोषित गरिसकिएको छ । यसलाई जनसंहारको लागि आतंकी हथियारको रुपमा लिइन्छ ।

सो अमेरिकी कम्पनीले यसबारेमा मिडियामा आएको विभिन्न समाचारहरूलाई उदृत गर्दै भनेको छ कि– चीनको एक मात्र माइक्रोबायोलाजी ल्याव वुहानमा छ जसले नोवेल कोरोना जस्तो अत्याधुनिक भाइरसको सामना गर्न सक्दछ ।

तर, चीनले कोरोना भाइरसको बारेमा उक्त ल्यावको अनुसन्धान रिपोर्टहरूलाई राष्ट्रिय सुरक्षाको बहाना बनाएर लुकाएर राखेको छ ।

Published : Thursday, 2020 March 26, 1:43 pm

फेसबुकबाट तपाईको प्रतिक्रिया