शालिकराम पुडासैनीको पोष्टमार्टम रिपोर्ट चितवन आइपुग्यो
भरतपुर । पत्रकार शालिकराम पुडासैनीको पोष्टमार्टमको रिपोर्ट आइतबार साँझ चितवन आइपुगेको छ ।
चितवनका प्रहरी प्रमुख एसपी दानबहादुर मल्लका अनुसार आइतबार पोष्टमार्टम रिपोर्ट चितवन आइपुगेको हो ।
उनले पोष्टमाटम रिपोर्ट आइपुगे पनि अध्ययन हुन बाँकी रहेको बताए । सम्भवत साेमबार रिर्पाेट सार्वजनिक गर्ने प्रहरीकाे तयारी छ ।
यसअघि नै भिडियोको डिजिटल ल्याब रिपोर्ट चितवन आइसकेको थियो ।
आइतबार नै पुडासैनीका पीडित परिवारले दिएको किटानी जाहेरीको पत्र पनि चितवन आइपुगेको एसपी मल्लले बताए ।
मल्लका अनुसार पुडासैनीका परिवारजनले महानगरीय प्रहरी परिसर काठमाडौंमार्फत रवि लामिछानेसहित पक्राउ परेका पत्रकार युवराज कँडेल र स्टाफ नर्स अस्मिता कार्कीबिरुद्ध किटानी जाहेरी दिएका थिए ।
स्वर्गीय पुडासैनीकी श्रीमती सम्झना घिमिरे पुडासैनीले आफै उपस्थित भएर उजुरी दिएकी हुन् ।
प्रहरीले घटनाका सम्बन्धमा गहिरो अनुसन्धान गरिरहेको जनाएको छ ।
अदालतले थपको पाँच दिनको म्याद सोमबार सकिँदैछ । घटनको दुई हप्तापछि किटानी जाहेरीसँगै घटनासंग सम्बन्धित प्रमाणहरू जुट्दै गएका हुन् ।
फेसबुकबाट तपाईको प्रतिक्रिया