निजामती कर्मचारी र राजनीतिकर्मी ईमान्दार हुनु पर्छ : कांग्रेस नेता महर

काठमाडौं । नेपाली कांग्रेसका केन्द्रीय सदस्य नैनसिंह महरले निजामती कर्मचारी र राजनीतिकर्मीले आफ्नो भूमिका र जिम्मेवारीप्रति ईमान्दार हुनु पर्ने बताएका छन् ।

शुक्रबार काठमाडौंमा आयोजित कार्यक्रममा नेता महरले सबैले आ–आफ्नो जिम्मेवारी पूरा गर्नुपर्ने बताए । उनले भने, ‘देश विकास र समाज सेवाका लागि हाम्रा सबैले आ–आफ्नो जिम्मेवारीलाई इमान्दारीपूर्वक लिन आवश्यक छ । कर्मचारीहरूले मात्र तलब पाउने उद्देश्य राखेर काम गर्ने र राजनीतिकर्मीहरूले भोट मात्र खोज्ने सोचाइले देशलाई अगाडि बढाउन सक्दैन ।’

राजनीतिक नेतृत्व र निजामती कर्मचारीबीचको सहकार्यले मात्र सुशासन र विकास सम्भव हुने उनले बताएका छन् । उनले कर्मचारीहरूको व्यावसायिक क्षमतामा अभिवृद्धि गर्न, उनीहरूको काम गर्ने वातावरण सुधार गर्न, र उनीहरूको आर्थिक तथा सामाजिक सुरक्षामा ध्यान दिनुपर्ने बताए ।

Published : Friday, 2024 December 13, 5:27 pm