दुल्लुमा भुनवसिंह पक्राउ, कर्णबहादुरको हत्या

दुल्लु । हत्या गरेको अभियोगमा प्रहरीले ४३ वर्षीय भुवनसिंह बिकलाई पक्राउ गरेको छ ।

दैलेखको दुल्लु नगरपालिका–१३ खडिका धारा बस्ने ५६ वर्षीय कर्णबहादुर कामीको हत्या गरेको अभियोगमा सोही ठाउँ बस्ने भुवनसिंहलाई बुधबार साँझ प्रहरीले पक्राउ गरेको विज्ञप्तिमा उल्लेख छ ।

भुवनसिंहले हँसिया प्रहार गर्दा कर्णबहादुर गम्भीर घाइते भएका थिए । तत्काल खबर प्राप्त हुनासाथ अस्थायी प्रहरी पोष्ट बैंक विनायकबाट खटिएको प्रहरीले भुवनसिंहलाई पक्राउ गरेको छ ।

गम्भीर घाइते भएका कर्णबहादुरको दुल्लु अस्पतालमा उपचारको क्रममा मृत्यु भएको विज्ञप्तिमा उल्लेख छ ।

Published : Thursday, 2024 November 21, 12:56 pm