काठमाडौं । नेपाली कांग्रेसले स्थानीय तह निर्वाचनअन्तर्गत काठमाडौंको कीर्तिपुर नगरपालिको मेयर पदका लागि कृष्णमान डङ्गोललाई उम्मेदवार बनाउने निर्णय गरेको छ ।

शनिबार ललितपुरमा बसेको नेपाली कांग्रेस बागमती प्रदेश कार्यसमितिको बैठकले डङ्गोललाई मेयरको उम्मेदवार बनाउने निर्णय गरेको सभापति ईन्द्रबहादुर बानियाँले बताएका छन् ।

मेयर पदका उम्मेदवार बनाइएको डङगोल नगर समिति सभापति हुन् । कीर्तिपुरको मेयरको उम्मेदवारका लागि कांग्रेसबाट ११ जनाको नाम सिफारिस भएको थियो ।

मेयरको उम्मेदवारका लागि डङ्गोलसहित बद्रीलाल महर्जन, हिमाल कार्की, जनुना नकर्मी (पूर्वमेयर राजकुमारकी श्रीमती), संगीत बोगटी, सशीर महर्जन, राममान सिंह, जनकलाल महर्जन, मीनप्रकाश महर्जन, किरण केसी र सचिन्द्र महर्जनको नाम बागमती प्रदेश कार्यसमितिमा सिफारिस भएको थियो । मेयरको टिकट पाएका डङ्गोल नेता प्रकाशमान सिंह निकट मानिन्छन् ।

२०७९ वैशाखकको स्थानीय तह निर्वाचनमा कांग्रेसबाट मेयर पदमा निर्वाचित राजकुमार नकर्मीको २०८१ साउनमा निधन भएपछि त्यहाँ उपनिर्वाचन हुन लागेको छ ।