सुर्खेतमा फाेर्स गाडी दुर्घटना, चार यात्रुकाे मृत्यु

वीरेन्द्रनगर । सुर्खेत–दैलेख सिमास्थित वीरेन्द्रनगर–१४, को रातानाङ्ग्ला नजिक फोर्स गाडी दुर्घटनामा परेकाे छ ।

शुक्रबार दिउँसो दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी अनियन्त्रित भई दुर्घटनामा परेको जिल्ला प्रहरी कार्यालय सुर्खेतका प्रमुख (एसपी) रूपेश खड्काले बताए । दुर्घटनामा चारजनाकाे मृत्युु भएको एसपी खड्काले बताए ।

दुर्घटनालगत्तै घटनास्थल पुगेका खड्कासहितको टोलीले उद्दार गरेर उपचारका लागि पठाइसकिएको उनले बताए । केहीको अवस्था गम्भीर केहीको सामान्य रहेको छ । दुर्घटनामा २५ जना घाइते भएकाे प्रहरीले जनाएको छ ।

घाइते २५ जनाको उद्धार गरी गुराँस गाउँपालिकाको एम्बुलेन्सबाट थप उपचारका लागि कर्णाली प्रदेश अस्पताल सुर्खेत पठाइएको छ । २९ जना सवार गाडी सडकभन्दा झण्डै दुई सय मिटर तल खसेको छ ।

Published : Friday, 2024 November 8, 6:21 pm