काठमाडौं । प्रहरीले काठमाडौंसहित विभिन्न जिल्लामा छापामारेर जुवातास खेलिरहेको अवस्थामा १ सय २९ जनालाई पक्राउ गरेको जनाएको छ ।

काठमाडौं महानगरपालिका–६ बौद्ध रामहिटी रामनगर पाटी प्यालेस नजिक बस्ने ४३ वर्षीय सूर्य भन्ने रामबहादुर सुनारको घरमा छापामारेको विज्ञप्तिमार्फत प्रहरीले जनाएको छ ।

जुवातास खेलिरहेको अवस्थामा सुनार समेत २० जनालाई आइतबार राति प्रहरीले पक्राउ गरेको छ ।

जिल्ला प्रहरी परिसर काठमाडौं र प्रहरी वृत्त बौद्धबाट खटिएको प्रहरीले उनीहरूलाई ६ लाख ६९ हजार ८ सय १० रूपियाँ र ९ बुक ताससहित पक्राउ गरेको छ ।

यता, नुवाकोटको बिदुर नगरपालिका–५ माथिल्लो पिपलटार ठुलोगाउँ बस्ने ३० वर्षीय विनोद कुमालको घरमा कौडा खेलिरहेको अवस्थामा विनोद समेत ५ जनालाई आइतबार राति प्रहरीले पक्राउ गरेको छ ।

जिल्ला प्रहरी कार्यालय नुवाकोटबाट खटिएको प्रहरीले उनीहरूलाई ९७ हजार ९ सय १० रूपियाँ र कौडा १६ थानसहित पक्राउ गरेको छ ।

उता, मुस्ताङको घरपझोङ गाउँपालिका–२ मार्फास्थित फिरोज लालचनको होटल माउन्ट भिल्ला एण्ड रेष्टुरेन्टमा प्रहरीले छापामारेको छ ।

रेष्टुरेन्टमा जुवातास खेलिरहेको अवस्थामा सोही ठाउँ बस्ने ५० वर्षीय सुरज लालचन समेत १२ जनालाई आइतबार साँझ प्रहरीले पक्राउ गरेको छ ।

प्रहरीले उनीहरूलाई ८ लाख ५२ हजार ८ सय रूपियाँ र ८ बुक ताससहित पक्राउ गरेको छ ।

यता, पाँचथरको फिदिम नगरपालिका–१ बस्ने ५६ वर्षीय खेमनाथ अधिकारीको घरमा कौडा खेलिरहेको अवस्थामा अधिकारी समेत ३ जनालाई आइतबार राति प्रहरीले पक्राउ गरेको छ ।

प्रहरीले उनीहरूलाई ६० हजार ५ सय ३० रूपियाँ र कौडा १६ थानसहित पक्राउ गरेको छ ।

यसैगरी, बाँकेको नेपालगंज उपमहानगरपालिका–४ सल्यानीबाग बस्ने सुवाष तारामी मगरको घरमा जुवातास खेलिरहेको अवस्थामा सोही उपमहानगरपालिका–४ बस्ने ४० वर्षीय पृतम शाक्य समेत १४ जनालाई आइतबार राति प्रहरीले पक्राउ गरेको छ ।

प्रहरीले उनीहरूलाई १ लाख ५४ हजार ८ सय २० रूपियाँ र ४ बुक ताससहित पक्राउ गरेको छ ।

उता, नवलपुरको मध्यबिन्दु नगरपालिका–१५ बस्ने दानबहादुर थारूको घरमा जुवातास खेलिरहेको अवस्थामा सोही नगरपालिका–१५ बस्ने ५१ वर्षीय खेमप्रसाद पाण्डे समेत ९ जनालाई आइतबार राति प्रहरीले पक्राउ गरेको छ ।

प्रहरीले उनीहरूलाई २६ हजार ४ सय ५ रूपियाँ र कौडा १६ थानसहित पक्राउ गरेको छ ।

उता, कैलालीको गौरीगंगा नगरपालिका–१ गोप्का बस्ने ४२ वर्षीय भैरब चन्दको रोयल फेम्ली रेष्टुरेन्ट एण्ड बारमा कौडा खेलिरहेको अवस्थामा चन्द समेत २० जनालाई आइतबार राति प्रहरीले पक्राउ गरेको छ ।

प्रहरीले उनीहरूलाई ६९ हजार ९ सय ११ रूपियाँसहित पक्राउ गरेको छ ।

यसैगरी कैलालीको धनगढी उपमहानगरपालिका–७ गौडी चोक बस्ने सुरेश चौधरीको घरमा जुवातास खेलिरहेको अवस्थामा सोही उपमहानगरपालिका–७ बस्ने २४ वर्षीय मुकेश चौधरी समेत ८ जनालाई सोमबार बिहान प्रहरीले पक्राउ गरेको छ ।

प्रहरीले उनीहरूलाई ८८ हजार २ सय रूपियाँ र २ बुक ताससहित पक्राउ गरेको छ ।

त्यसैगरी, कञ्चनपुरको बेदकोट नगरपालिका–४ बगुन बस्ने ४६ वर्षीय ईश्वर भट्टको घरमा जुवातास खेलिरहेको अवस्थामा भट्ट समेत २० जनालाई सोमबार बिहान प्रहरीले पक्राउ गरेको छ ।

प्रहरीले उनीहरूलाई ३६ हजार ९८ रूपियाँ र ३ सय पत्ती ताससहित पक्राउ गरेको छ ।

उता, कञ्चनपुरको कृष्णपुर नगरपालिका–९ राजघाटस्थित यज्ञबहादुर महराको मदिरा पसलमा जुवातास खेलिरहेको अवस्थामा कृष्णपुर नगरपालिका–९ राजघाट बस्ने ५० वर्षीय जियाराम चौधरी समेत १० जनालाई आइतबार राति प्रहरीले पक्राउ गरेको छ ।

प्रहरीले उनीहरूलाई १३ हजार २ सय १० रूपियाँ र २ बुक ताससहित पक्राउ गरेको छ ।

यता, बर्दियाको बढैयाताल गाउँपालिका–५ बढैयागाउँस्थित टहरोमा जुवातास खेलिरहेको अवस्थामा सोही गाउँपालिका–४ बस्ने २५ वर्षीय राजन थापा समेत ८ जनालाई सोमबार बिहान प्रहरीले पक्राउ गरेको छ ।

प्रहरीले उनीहरूलाई नगद ५७ हजार १ सय २४ रूपियाँ र ९ बुक ताससहित पक्राउ गरेको छ ।