हेटौँडा । जिल्ला प्रहरी कार्यालय मकवानपुरले पाकेटमारी चोरी गर्ने ३ जनालाई पक्राउ गरेको छ ।

सोमबार राति ११ बजेतिर मनहरी बस्ने वर्ष ४९ को भरत गौतम हेटौँडाबाट ना. ५ ख ८१०१ नम्बरको बसमा लोथर आउने क्रममा ५१ हजार पाकेट मारी चोरी भएको सूचनाका आधारमा खटिएको प्रहरीले मानिसहरू पक्राउ गरेको हो ।

तत्लाल इलाका प्रहरी कार्यालय मनहरीबाट खटिएको प्रहरी टोलीले हुलियाको आधारमा खोजतलास गर्ने क्रममा ३ जनालाई पक्राउ गरेको जिल्ला प्रहरी कार्यालय मकवानपुरका प्रहरी प्रमुख (एसपी) विश्वराज खड्काले बताए ।

पक्राउ पर्नेमा सिन्धुपाल्चोकको लिसंखु पाखर गाउँपालिका वडा नं. ६ बस्ने वर्ष ३२ को लाक्पा तामाङ, उदयपुरको त्रियुगा नगरपालिका वडा नं. १० बस्ने वर्ष ४२ को प्रेम दोर्जे शेर्पा र धनकुटाको छथर गाउँपालिका वडा नं. ३ बस्ने वर्ष ३७ को हेमराज श्रेष्ठ रहेको एसपी खड्काले बताए ।

उनीहरूलाई खानतलासी गर्दा चोरी भएको रकम फेला परेको थियो । तीन जनालाई थप अनुसन्धान भइरहेको छ ।