काठमाडौं । अबिरल वर्षाका कारण देशभरिको जनजीवन अस्तव्यस्त भएको र सरकारी पक्षले उद्धारमा काम गरिरहेको छ ।

सरकारले आफ्नो सबै संरचना परिचालन गरेर समस्यामा परेका जनताको उद्धार गरिरहेको छ । कार्यकाबाहक प्रधानमन्त्री समेत रहेका उपप्रधान एवम् शहरी विकासमन्त्री प्रकाशमान सिंह, गृहमन्त्री रमेश लेखकले प्रत्यक्ष रुपमा समस्यामा परेका जनताको उद्धारमा सुरक्षा निकायलाई परिचालन गरिरहेका छन् ।

सरकारले उद्धारमा काम गरिरहेका बेला नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्राकृतिक विपत्तिलाई राजनीतिकरण गर्न खोजेका छन् ।

सरकारले काम गरिरहेका बेला अध्यक्ष दाहालले सर्वदलीय बैठक बोलाएका थिए । तर, सरकार आफैले नै सर्वदलीय बैठक बोलाएको थियो । सरकारको सर्वदलीय बैठकलाई बिथोल्न दाहालले सर्वदलीय बैठक बोलाइको आरोप छ ।

सरकारले सर्वदलीय बैठक बोलाएपछि अध्यक्ष दाहालले बोलाएको बैठक प्रभावित बनेको छ । अध्यक्ष दाहालले बोलाएको बैठकमा प्रमुख राजनीतिक दलहरू नआउने संकेत पाएपछि बैठक स्थगित गरेका छन् ।

शनिबार दिनभरि सुरक्षा निकायले सबै शक्ति लगाएर समस्यामा परेका नागरिकहरूको उद्धार गरेका छन् । विभिन्न कठिनाइले समयमा उद्धार गर्न समस्या परेका कारण केही नगारिकले ज्यान गुमाउनु परेको छ ।

नेपाल प्रहरी, सशस्त्र प्रहरी, नेपाली सेना लगायतले समस्यामा परेका नागरिकलाई सहयोग गरेका छन् । अबरुद्ध सडकहरू खुलाएका छन् । बाँकी रहेका सडकलाई पनि खुलाउन प्रयासरत छन् ।

सरकारले आफ्नो कामलाई निरन्तर गरिरहेका बेला माओवादीका अध्यक्ष दाहालले राजनीतिकरण गरेर बबाल गर्न खोजेपछि माओवादीको चरित्र उदाङ्गो भएको छ ।