प्रहरीका ४१ जना एसपीहरूको सरुवा र काज

काठमाडौं । नेपाल प्रहरी प्रधान कार्यालयले ४१ जना प्रहरी उपरीक्षक (एसप)हरूको सरुवा÷काज गरेको छ ।

हेडक्वाटरबाट मंगलबार सर्वाजनिक भएको जानकारीअनुसार अपीलराज बोहराको जिल्ला प्रहरी कार्यालय तनहुँबाट राजमार्ग सुरक्षा तथा ट्राफिक व्यवस्थापन कार्यालय सुर्खेतमा सरुवा भएको छ । जिल्ला प्रहरी कार्यालय दाङमा अर्जुनप्रसाद तिमिल्सिना, बर्दियामा केदार खनालको सरुवा भएको छ ।

जिल्ला प्रहरी कार्यालय मकवानपुरमा विश्वराज खड्काको सरुवा भएको छ । जिल्ला प्रहरी कार्यालय कपिलवस्तुमा निरन्जनदत्त भट्ट, बीरेन्द्रबहादुर शाहीको जिल्ला प्रहरी कार्यालय तनहुँमा सरुवा भएको छ ।

सुरेशप्रसाद काफ्लेको अपराध अनुसन्धान विभाग कार्य योजना नक्साल, जिल्ला प्रहरी कार्यालय कास्कीमा श्यामबाब ओलिया, जिल्ला प्रहरी कार्यालय सिरहामा रमेश पण्डित, विनोद घिमिरेलाई राजमार्ग सुरक्षा कार्यालय, ईटहरीमा सरुवा भएको छ ।