परराष्ट्रमन्त्री डा.राणा र राष्ट्र संघका उपमहासचिव खरेबीच भेट

न्यूयोर्क । परराष्ट्रमन्त्री डा.आरजु राणा देउवा र संयुक्त राष्ट्र संघका उपमहासचिव अतुल खरेबीच भेटवार्ता भएको छ ।

सोमबार अमेरिकाका न्यूयोर्कस्थित संयुक्त राष्ट्रसंघको ७९औं महासभाको दौरान भएको साइडलाइन भेटवार्तामा डा.राणा र खरेबीच शान्ति मिसनको सम्बन्धमा नेपाल र यूएनबीचको सहकार्यमाथि छलफल भएको हो ।

उपमहासचिव खरे शान्ति मिसनका लागि ‘जनरल अफ अपरेसन सर्पोट’ हुन् । नेपाल अहिले विश्वमा शान्ति सैनिक पठाउने सूचीमा पहिलो नम्बरमा छ ।

नेपालले यस पटक यूएनमा सैनिक सल्लाहकारको लागि उम्मेदवारी पनि दिएको छ ।

परराष्ट्रमन्त्री डा.राणाले भेटवार्तामा नेपालले यूएनका शान्ति मिसनको लागि लामो समयदेखि योगदान गर्दै आइरहेको र त्यसलाई नै आधार मानेर यूएनले थप सहजीकरण गर्नु पर्ने बताएकी छिन् ।

Published : Tuesday, 2024 September 24, 12:49 pm