काठमाडौं । नेपाली कांग्रेसका सभापति शेरबहादुर देउवाले साहित्य, कला तथा संस्कृति विभागमा सदस्यहरू मनोनयन गरेका छन् ।
कांग्रेसको केन्द्रीय सदस्य समेत रहेकी विभागकी प्रमुख विद्यादेवी तिमिल्सिनाको सिफारिसमा सभापति देउवाले १० जना सदस्यहरू बिहीबार मनोनयन गरेका हुन् ।

नेपाली कांग्रेसको विधान, २०१७ (संशोधन सहित) को धारा २५ (९) बमोजिम पार्टीका केन्द्रीय सदस्य तिमिल्सिना प्रमुख रहेको नेपाली कांग्रेस साहित्य, कला तथा संस्कृति विभागको सदस्यमा १० जनालाई मनोनयन गरिएको केन्द्रीय कार्यालयका मुख्यसचिव कृष्णप्रसाद पौडेलद्वारा जारी विज्ञप्तिमा उल्लेख छ ।

विभागको सदस्यमा मनोनयन हुनेहरूमा यज्ञराज उपाध्याय (अछाम), राजेन्द्र खत्री (काठमाडौं), रविन्द्र खड्का (काभ्रेपलाञ्चोक), रमेश कोइराला (चितवन), चन्द्र शर्मा (दाङ) रहेका छन् ।

सरोज भण्डारी (तनहुँ), रिसबदेव घिमिरे (ललितपुर), शान्ति सदा (सिरहा), देशु सुहाङ्ग (पाँचथर) र गणेश हमाल (दैलेख) सदस्यमा मनोनयन भएको विज्ञप्तिमा उल्लेख छ ।