टोखाबाट ४४ वर्षीया कमला चुँडाल पक्राउ

काठमाडौं । वैदेशिक रोजगारमा आकर्षक तलबको प्रलोभनमा पारी पोल्याण्ड पठाइदिन्छु भनी ठगी गरेको अभियोगमा प्रहरीले ४४ वर्षीया कमला चुँडाललाई पक्राउ गरेको छ ।

काठमाडौंको टोखा नगरपालिका–३ मनकामना बस्ने चुँडाललाई सोमबार प्रहरीले पक्राउ गरेको विज्ञप्तिमार्फत जनाएको छ ।

चुँडालले पोल्याण्ड पठाइदिन्छु भन्दै १ जना पीडितबाट ३ लाख रूपियाँ लिई सम्पर्क विहीन भएकी थिइन् । पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले चुँडाललाई टोखा नगरपालिका–३ मनकामना टोलबाट पक्राउ गरेको अपराध अनुसन्धान कार्यालयका प्रवक्ता समेत रहेका एसपी काजीकुमार आचार्यले बताएका छन् ।

चुँडाललाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।

Published : Tuesday, 2024 September 10, 3:03 pm