काठमाडौं । दाङ र चितवनमा भएका सवारी दुर्घटनामा दुई जनाको मृत्यु भएको छ ।

चितवनको भरतपुर महानगरपालिका–२९ चुनेखोलास्थित सडकमा ना.८ ख ५९६१ नम्बरको ट्रकमा बा.प्र.०३–००२ प ६१७८ नम्बरको स्कुटर ठक्कर खाई शनिबार राति दुर्घटना हुँदा स्कुटर चालक तनहुँको घाँसीकुवा गाउँपालिका–६ बस्ने ३७ वर्षीय कृष्णबहादुर थापाको मृत्यु भएको प्रहरीले जनाएको छ ।

दुर्घटनामा गम्भीर घाइते भएका उनको नयाँ मेडिकल कलेज भरतपुरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रमा लिएको छ ।

उता, दाङको तुल्सीपुर उपमहानगरपालिका–११ हसनापुरमा तुल्सीपुरबाट बेल्टाकुरातर्फ जाँदै गरेको रा.५ प ८००६ नम्बरको मोटरसाइकल अनियन्त्रित भई शनिबार राति दुर्घटना हुँदा चालक घोराही उपमहानगरपालिका–१५ बस्ने २० वर्षीय शिशिर रोकाको मृत्यु भएको छ ।

दुर्घटनामा गम्भीर घाइते भएका उनको राप्ती प्रादेशिक अस्पताल तुल्सीपुरमा उपचारको क्रममा मृत्यु भएको छ ।