वीरगञ्ज । बारा जिल्लामा जुवा तास खेल्ने १३ जना व्यक्तिहरूलाई प्रहरीको नियन्त्रणमा लिएको छ ।

विशेष सूचनाको आधारमा प्रहरी टोलीले शुक्रबार दिउँसो महागढीमाई नगरपालिका वडा नं. १ बरियारपुरस्थित मोतीलाल प्रसादको घरमा प्रहरीले छापामारेको विज्ञप्तिमा उल्लेख छ ।

मोतीलालको घरमा जुवा तास खेल्ने क्रममा १३ जना पुरूष व्यक्तिहरूलाई नियन्त्रणमा लिनुका साथै १ लाख ७१ हजार २ सय ८० रूपिया बरामद भएको छ ।

पक्राउ पर्नेमा बाराको महागढीमाई नगरपालिका वडा नं. १ बस्ने वर्ष ५६ का राजेन्द्र साह कानु, वर्ष ४३ का मनोजप्रसाद कुशवाहा, वर्ष ५० का विनोद प्रसाद, वर्ष ५३ का मोतीलाल प्रसाद, वर्ष ६० का जतिकर हुसेन रहेका छन् ।

सोही ठाउँ बस्ने वर्ष ४० का मोतीलाल प्रसाद कुशवाहा, वर्ष ४३ का राजुप्रसाद कुशवाहा, वर्ष ५० का अच्छेलाल महतो, वर्ष ५९ को कस्तुरी साह, वडा नं. २ का वर्ष ३८ का राजकिशोरप्रसाद कुशवाहा, वडा नं. २ का वर्ष ४१ का जितेन्द्र तिवारी, बाराको सुवर्ण गाउँपालिका वडा नं. २ बस्ने वर्ष ४८ का सुकदेवप्रसाद यादव, वडा नं. ८ बस्ने वर्ष ३५ का मुस्ताक खान पठान रहेको विज्ञप्तिमा उल्लेख छ ।