राप्ती नदीबाट खुरुरियाका चौधरीको उद्धार

मसुरिया । सशस्त्र प्रहरी बल नेपाल र नेपाल प्रहरीले दाङको देउखुरीस्थित राप्ती नदीको बीचमा अलपत्र परेका व्यक्तिलाई सकुशल उद्वार गरेको छ ।

आइतबार दिउँसो अन्दाजी १५ः३० बजेको समयमा राप्ती गाउँपालिका वडा नं. ३ खुरुरियास्थित राप्ती नदीमा अलपत्र परेका १३ वर्षीय सुधन चौधरीलाई उद्धार गरेको विज्ञप्तिमा उल्लेख छ ।

राप्ती नदीमा रहेको झोलुङेपुलबाट नदीमा बगेका दाउरा निकाल्ने क्रममा खुरुरिया बास्ने चौधरी अचानक नदीमा खस्नगई नदीको बीच (पानी नभएको भाग)मा रहेका थिए ।

ईलाका प्रहरी कार्यालय भालुवाङबाट प्रहरी टोली र ज्वालामाई गण सशस्त्र भालुवाङ दाङबाट प्रहरी टोली संयुक्त खटिएर सकुशल उद्धार गरेको विज्ञप्तिमा उल्लेख छ ।