काठमाडौं । परराष्ट्रमन्त्री डा.आरजु राणाले बंगलादेश र बेलायतमा नेपालीहरु सुरक्षित रहेको बताएकी छिन् ।

ललितपुरस्थित पार्टी केन्द्रीय कार्यालयमा बुधबार बसेको केन्द्रीय कार्यसमितिको बैठकमा नेपाल सरकारबाट बंगलादेश र बेलायतमा रहेका नेपालीहरुका बारेमा जानकारी दिँदै उद्धार र सहयोगका लागि परराष्ट्र मन्त्रालय तयारी अवस्थामा रहेको बताएकी हुन् । उनले बंगलादेश र बेलायतमा प्रदर्शन हुँदादेखि नै परराष्ट्र मन्त्रालय तयारीका साथ काम गरिरहेको बताइन् ।

उनले भनिन्, ‘विभिन्न मुलुकहरुमा अशान्ति फैलिएको र ती मुलुकहरुमा नेपालीहरु हरेक देशमा रहेको भएर तनाब हुँदो रहेछ । विभिन्न देशको घटनाबाट के भइरहेको छ ? कस्तो भइरहेको छ भनेर लागिरहेको छु ।’

‘बंगलादेशमा शुरु हुनहुन लागेदेखि नै रेस्क्युहरु गरिरहेका छौँ । अहिले पनि हालसालै केही घटनाहरु घट्न सक्छ भनेर राष्ट्रसँघसँग कुरा गरेर ३ सयदेखि ४ सय जनासम्म विद्यार्थी फर्किनु भर्किनु भएको थिएन’, परराष्ट्रमन्त्री डा.राणाले भनिन् ।

‘धेरै जना इन्टर्नहरु हुनुहुँदो रहेछ । उहाँहरुलाई राजदूतले पर्सनल फोन गरेर तपाईहरु फर्किने की भन्ने कुरा गर्नुभएको थियो’, उनले भनिन् ।

‘उहाँहरुले हाम्रो तीन महिना, चार महिना पढाइ बाँकी छ । इन्टर्न गरिरहेका छौँ भनेर उहाँहरु आउनु भएन । अचानक परिस्थिति बिग्रियो’, उनले भनिन् ।

‘अहिले चाहिँ उहाँहरु सुरक्षित नै हुनुहुन्छ । अहिले पनि हामी सम्पर्कमा छौं । अहिले फ्लाईट पनि रिजिक्ट पनि भइरहेको छ’, डा.राणाले भनिन् ।

‘फर्किन चाहनेहरुलाई फर्काउने प्रयास गरिरहेका छौँ । राजदूतले हामीलाई के सुझाव दिनुभएको छभने उहाँहरु जहाँ हुनुहुन्छ त्यहाँ नै सुरक्षित हुनुहुन्छ’, उनले भनिन् ।

‘बाहिर ननिस्कने भन्ने एउटा सुझाव छ । पर्सनल रुपमा फोन गरेर उहाँहरुसँग टचमा बसेका छौँ । घटना क्रमहरु डेभलप भइरहेको छ । आज पनि नेपाल सरकारले कुराहरु गरिरहेको छ’, परराष्ट्रमन्त्री डा.राणाले भनिन् ।

‘लण्डनमा पनि झगडा हुन्छ की भन्ने डर छ । १४ सय नेपाली हुनु हुँदो रहेछ । ८ सय हाउस मेड हुनुहुन्छ । उहाँहरु लिगल रुपमा जानु भएको रहेछ । त्यहाँ पनि डेमोस्ट्रेशन हुन थाल्नेवित्तिकै राजदूतलाई भनेर सुरक्षित रहन भनेर विज्ञप्ति निकालेका छौं’, उनले भनिन् ।

‘जहाँ हुनुहुन्छ त्यहाँ बस्नुस् भनेर विज्ञप्ति निकाल्दा कोही पनि सम्पर्कमा आउनु भएन । त्यहाँ ८ सय जना हाउस मेड र बाँकी ६ सय जना कोही रेस्टुरेन्ट इन्ड्रस्ट्रिजमा, कोही म्यानुफ्याक्चरिङमा काम गर्ने भाइहरु र बहिनीहरु हुनु हुँदो रहेछ । काठमाडौंबाट पनि हामीले विज्ञप्ति निकाल्यौं’, उनले भनिन् ।

‘हिजोसम्म ६६ जनाले सम्पर्क गर्नुभएको छ । हामीले रेस्क्यु गर्नुपर्दा के कहाँ छ भनेर सजिलो हुन्छ । बेलायतमा नेपाली कार्यबाहक राजदूत हुनुहुन्छ’, उनले भनिन् ।

‘उहाँले सेफ्टीका लागि ट्राभल्स ट्रेजरी निकाल्नुभएको छ । सेन्ट्रल लण्डन र अन्य शहरहरुमा समस्या देखिइरहेकोछ । धेरै ठाउँहरुमा यसरी नै प्रदर्शनहरु भइरहेका कारण कसैलाई रेस्क्यु गर्नु परेमा तयारीहरु भइरहेको छ’, डा.राणाले भनिन् ।

‘बंगलादेशमा हिमालय एयरलाईन्ससँग कुरा भएको छ । सबै ठाउँमा नेपालीहरु सुरक्षित छौँ भनेर कुराहरु आइरहेको छ’, परराष्ट्रमन्त्री डा.राणाले भनिन् ।