ढल्यो जोखबहादुरको सरकार, मन्त्रीहरूलाई भोज

काठमाडौं । माओवादी केन्द्र नेतृत्वको लुम्बिनी प्रदेश सरकार अल्पमतमा परेको छ ।

एमालेले लुम्बिनी प्रदेश सरकारलाई दिएको समर्थन फिर्ता लिँदै मन्त्रीहरू फिर्ता बोलाको छ । मुख्यमन्त्री जोखबहादुर महरालाई बिहीबार एमालेका ५ मन्त्रीले सरकारी निवासमा पुगेर राजीनामा बुझाएका छन् ।

एमालेले माओवादीका मुख्यमन्त्री महरालाई दिएको समर्थन फिर्ताको जानकारी लुम्बिनी प्रदेशसभाका सभामुख तुलाराम घर्तीलाई पत्रमार्फत जानकारी गराइएको छ ।

सरकारलाई दिएको समर्थन फिर्ता र मन्त्रीहरूको राजीनामा बुझाएका एमालेका मन्त्रीहरूलाई मुख्यमन्त्री महराले भोज खुवाएर पठाएका छन् ।

लुम्बिनी प्रदेशमा गत चैत २३ गते एमालेसहितका ५ दल र एक स्वतन्त्र प्रदेशसभा सदस्य गरी ४८ जनाको समर्थनमा माओवादी केन्द्रका महरा मुख्यमन्त्री बनेका थिए ।

Published : Friday, 2024 July 5, 8:31 am