प्रचण्ड बसेकै घरभित्र घुसेर ओलीले भने– मार्ग प्रशस्त गर्नुस्, म नयाँ ढङ्गले हिँडे

काठमाडौं । एमालेका अध्यक्ष केपी ओलीले प्रधानमन्त्री पुष्पकमल दाहाल ‘प्रचण्ड’लाई मार्ग प्रशस्त गर्न सुझाव दिएका छन् ।

मंगलबार बिहान बालुवाटारमा दाहालसँग भेट गरेर ओली आफू नयाँ ढङ्गले जान लागेको भन्दै प्रधानमन्त्री पदबाट राजीनामा दिएर मार्ग प्रशस्त गर्न सुझाव दिएका हुन् ।

दाहालले प्रधानमन्त्री पदबाट राजीनामा दिनेबारेमा ओलीलाई स्पष्ट जवाफ दिएका छैनन् । दाहालले पार्टीभित्र आन्तरिक परामर्श गरेर उचित निर्णय लिने जवाफ ओलीलाई दिएका छन् ।

ओलीले सरकारलाई दिएको समर्थन फिर्ता लिन लागेको जानकारी पनि दाहाललाई गराएका छन् । आफ्नो पार्टीका मन्त्रीहरू फिर्ता हुन लागेको ओलीले दाहाललाई उल्लेख गरेका छन् । त्यसपछि ओलीले दाहाललाई प्रधानमन्त्री पदबाट राजीनामा दिन सुझाव दाहाललाई दिएका हुन् ।

Published : Tuesday, 2024 July 2, 10:58 am