प्रचण्ड सरकार लापरबाही बन्यो, मन्त्री नआएपछि संसद बैठक स्थगित

काठमाडौं । सरकारको तर्फबाट कुनै पनि मन्त्री उपस्थित नभएपछि प्रतिनिधि सभाको बैठक स्थगित भएको छ ।

सोमबार बसेको प्रतिनिधि सभा बैठकमा प्रमुख प्रतिपक्ष दल नेपाली कांग्रेसले मन्त्रीको उपस्थितिका लागि माग गरेपछि १५ मिनटका लागि बैठक स्थगित भएको थियो । १५ मिनटपछि प्रतिनिधि सभाको बैठक पुनः सुरु भएको छ ।

बैठक सुरु हुनेवित्तिकै कांग्रेसका सांसद रामकृष्ण यादव उभिएर मन्त्रीको खोजी गरेका थिए । कांग्रेसका अर्का सांसद रामकृष्ण बजगाइँ पनि आफ्नो सिटमा उभिएका थिए ।

प्रधानमन्त्री पुष्पकमल दाहाल ‘प्रचण्ड’ले राम्रोसँग सरकार चलाउन नसकेको भनेर आलोचना भइरहेका बेला प्रतिनिधि सभाको बैठकमा मन्त्री अनुपस्थित भएर लापरबाही भएको छ ।

Published : Monday, 2024 July 1, 11:54 am

फेसबुकबाट तपाईको प्रतिक्रिया