सभापति देउवाले अभिभावको दायित्व निभाए, निवासमै पुगेर लिए नेता सिंहको स्वास्थ्यबारे जानकारी

काठमाडौं । नेपाली कांग्रेसका सभापति शेरबहादुर देउवाले नेता प्रकाशमान सिंहको स्वास्थ्य अवस्थाका बारेमा जानकारी लिएका छन् ।

आइतबार काठमाडौंको ठमेलस्थित चाक्सीबारीमा रहेको निवासमा पुगेर सभापति देउवाले नेता सिंहको स्वास्थ्य अवस्थाको जानकारी लिएका हुन् । देउवाले सिंहलाई आराम नहुँदासम्म पार्टीको काममा धेरै दौडधुप नगर्न आग्रह गर्दै स्वास्थ्यमा सुधार भएपछि मात्रै काममा आउन सुझाव दिएका छन् ।

नेता सिंहले नयाँदिल्लीमा करीव १ महिना उपचार गरेर काठमाडौं आएका हुन् । उनको स्वास्थ्यमा क्रमशः उल्लेख्य सुधार भइरहेको छ ।

Published : Sunday, 2024 June 30, 6:37 pm

फेसबुकबाट तपाईको प्रतिक्रिया