पोख्रेललाई ३६ घण्टा एआइजी बनाउन गृहमन्त्री लामिछानेद्वारा बढुवा, राज्यलाई ठूलो नोक्सानी

काठमाडौं । सरकारले नेपाल प्रहरीका डीआईजी पोषराज पोखरेललाई एआइजीमा बढुवा सिफारिस गरेको छ ।

असार २० गते रातिबाट अनिवार्य अवकाशमा जान लागेका पोखरेललाई डीआइजीबाट एआइजीमा बढुवा सिफारिस गरिएको छ ।

त्यसअघि एआईजी उमेशराज जोशीले असार १८ गते रातिबाट अवकाश पाउनेछन् । जोशीले नै अवकाश पाउने भएकाले सरकारले पोखरेललाई अगाडि सारेको छ ।

पोखरेलले एआईजीको दर्ज्यानी चिन्ह लगाएको केही घण्टामा अवकाश पाउनेछन् । करीव ३६ घण्टामा पोखरेलले अवकाश पाउनेछन् ।

३६ घण्टाका लागि डीआइजीबाट एआइजीमा बढुवा सिफारिसमा परेका पोखरेल हालका आईजीपी वसन्तबहादुर कुँवरका भर्ना ब्याची हुन् ।

गृहमन्त्री रवि लामिछानेले प्रहरीभित्र चरम हस्तक्षेप गरेको अभियोग लागेका बेला ३६ घण्टाका लागि पोखरेललाई डीआइजीबाट एआइजी बढुवा गर्न लागेका छन् । पोखरेल ३६ घण्टाका लागि एआइजी हुँदा राज्यलाई ठूलो आर्थिक भार पर्नेछ ।

३६ घण्टाका लागि एआइजीमा हुन लागेको बढुवा प्रकरणले राज्यलाई पाखरेलका लागि लाखौँ रुपियाँ नोक्सानी व्यहोर्नु पर्नेछ ।

Published : Monday, 2024 June 24, 11:45 pm

फेसबुकबाट तपाईको प्रतिक्रिया