काठमाडौं । नेपाली कांग्रेसका सभापति शेरबहादुर देउवाले ५६ वर्षीय जयप्रकाश गच्छदारको निधन भएकोमा गहिरो दुःख व्यक्त गरेका छन् ।

मंगलबार शोक वक्तव्य जारी गरेर पूर्वप्रधानमन्त्री समेत रहेका देउवाले गच्छदारको निधनप्रति गहिरो दुःख व्यक्त गरेका हुन् । गच्छदारप्रति भावपूर्ण श्रद्धाञ्जलि अर्पण गर्दै आत्माको चीर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गरेको शोक वक्तव्यमा उल्लेख छ ।

मोरङ जिल्ला ग्रामथान गाउँपालिकाका अध्यक्ष गच्छदारको असार ३ गते सोमबारका दिन निधन भएको थियो । गच्छदार मस्तिष्कघातबाट पीडित रहेका थिए ।

स्वर्गीय गच्छदारले नेपाली कांग्रेसको संगठन निर्माण र नेपालको लोकतान्त्रिक आन्दोलनहरूमा सक्रिय भूमिका निर्वाह गरेको कांग्रेसले जनाएको छ ।

गच्छदारको निधनबाट नेपाली कांग्रेसले एक अनुभवी नेतृत्वलाई गुमाएको शोक वक्तव्यमा उल्लेख छ ।