प्रथम थाइ सगरमाथा आरोहीको अध्यक्षतामा टीएनएफए गठन

काठमाडौं । प्रथम थाइ सगरमाथा आरोही तथा व्यवसायी वितिदान रोजानापनितको अध्यक्षतामा थाइ–नेपाल मैत्री संघ (टीएनएफए) गठन भएको छ ।

शनिबार थाइल्याण्डका लागि नेपाली राजदूत धनबहादुर वलीको निवास बैंककमा भएको कार्यक्रममा टीएनएफए घोषणा गरिएको विज्ञप्तिमा उल्लेख छ ।

टीएनएफएको उदेश्य थाइ तथा नेपाली नागरिकबीच आपसी सम्बन्ध, सदभाव एवं सहयोग अभिवृद्धि गर्ने र सामाजिक, आर्थिक, सांस्कृतिक, प्राज्ञिक लगायतका क्षेत्रहरूमा सहकार्य गर्ने रहेको छ ।

नेपाली राजदूत वलीले टीएनएफएले आफ्नो उदेश्य हासिल गर्न आगामी दिनहरूमा आयोजना तथा सञ्चालन गर्ने हरेक कार्यहरूमा राजदूतावासको सहयोग तथा सहकार्य रहने प्रतिवद्धता व्यक्त गरेका छन् ।

उनले नव गठित कार्यसमितिको सफल कार्यकालको शुभेच्छा प्रकट गरेका छन् । थाइ–नेपाल मैत्री संघ विधिवत रुपमा थाइल्याण्डमा दर्ता भइ स्थापना भएको संस्था हो ।

Published : Saturday, 2024 June 15, 8:57 pm

फेसबुकबाट तपाईको प्रतिक्रिया