बौद्ध प्रहरीद्वारा कमलाको टहरामा छापा

काठमाडौं । जुवा खेलिरहेको अवस्थामा प्रहरीले काठमाडौंमा छापामारेर २२ जनालाई पक्राउ गरेको छ ।

गोकर्णेश्वर नगरपालिका–४ गोकर्ण माइती नेपाल चोकस्थित कमला पौडेलको जस्ताको टहरामा प्रहरीले छापामारेको हो ।

जुवा (कौडा) खेलिरहेको अवस्थामा काठमाडौंको कपन बस्ने नुवाकोटको शिवपुरी गाउँपालिका–१ घर भएका ४० वर्षीय बेलकुमार खड्का समेत २२ जनालाई बिहीबार राति प्रहरीले पक्राउ गरेको जनाएको छ ।

जिल्ला प्रहरी परिसर काठमाडौं र प्रहरी वृत्त बौद्धबाट खटिएको संयुक्त टोलीले उनीहरूलाई नगद ३ लाख ६६ हजार ३ सय ८५ रूपियाँ र ८ थान कौडासहित पक्राउ गरेको छ ।

Published : Friday, 2024 June 14, 1:11 pm

फेसबुकबाट तपाईको प्रतिक्रिया