कांग्रेस नेता डा.शशांक कोइरालाद्वारा सांसद भट्टचनकी आमाको निधनप्रति श्रद्धाञ्जलि व्यक्त

काठमाडौं । नेपाली कांग्रेसका नेता डा.शशांक कोइरालाले प्रतिनिधिसभाका सांसद देवीप्रकाश भट्टचनकी आमा यामकुमारी भट्टचनको निधनप्रति गहिरो दुःख व्यक्त गर्दै श्रद्धाञ्जलि व्यक्त गरेका छन् ।

मंगलबार ललितपुरको गोदावरीस्थित निवासमा पुगेर नेता डा.कोइरालाले सांसद भट्टचन र परिवारजनप्रति समवेदना प्रकट गरेको स्वकीय सचिव भरत तिवारीले बताए ।

नेता डा.कोइरालाले शोक पुस्तिकामा लेखेका छन्, ‘प्रिय साथी माननीय देवीप्रकाश भट्टचनकी ममतामयी माता यामकुमारी भट्टचनको यहि मिति २०८१÷०२÷२४ गते भएको असामायिक देहवासनले मलाई मर्माहत तुल्याएको छ ।’

‘यस दुःखद् घडीमा सम्पूर्ण परिवारजनप्रति समवेदना व्यक्त गर्दछु । साथै मृत्तकको चीर शान्तिको प्रार्थना साथै हार्दिक श्रद्धाञ्जलि व्यक्त गर्दछु’, कांग्रेस नेता डा.कोइरालाले भनेका छन् ।

प्रभु ग्रुपका अध्यक्ष समेत रहेका सांसद भट्टचनकी आमाको निधन जेठ २४ गते गोदावरीस्थित निवासमा निधन भएको थियो ।

Published : Tuesday, 2024 June 11, 10:09 pm

फेसबुकबाट तपाईको प्रतिक्रिया