कांग्रेस सांसद एवम् पूर्वमन्त्री राणाले ल्याए बाहाने–स्याउलीबाङ सडकलाई ४२ करोड

मसुरिया । नेपाली कांग्रेसका लुम्बिनी प्रदेशसभा सदस्य (सांसद) एवम् पूर्वमन्त्री सरोज थापा (रोज राणा)को पहलमा प्यूठानको बाहाने–स्याउलीबाङ सडकमा ४२ करोड रुपियाँ बजेट परेको छ ।

बाग्दुला–दम्ती बाहाने–खवाङ, नौबहिनी पर्यटन क्षेत्र सडकखण्ड (बाहाने–स्याउलीबाङ)मा समपुरक योजनाका लागि रू. ४२ करोड १५ लाख रकम विनियोजन भएको छ ।

लुम्बिनी प्रदेश सरकारको उद्योग तथा यातायात व्यवस्थामन्त्री भएका बेला राणा लुम्बिनी प्रदेश मन्त्रिपरिषद् बैठकबाट स्वीकृत गराएका थिए ।

उक्त योजना आर्थिक वर्ष २०८१÷०८२ बाट कार्यान्वयन हुनेछ । त्यस क्षेत्रका जनतालाई यो सडकले ठूलो राहत दिनेछ ।
निर्वाचनका बेला राणाले बाहाने–स्याउलीबाङ सडकखण्ड बनाउने प्रतिवद्धता जनाएका थिए । समपुरक योजनामा लुम्बिनी प्रदेश सरकार र केन्द्र सरकारबाट बजेट आउनेछ ।

Published : Friday, 2024 June 7, 10:45 pm