सचिवमा बढुवा र पदस्थापना तथा केही सचिवहरूको सरुवा

काठमाडौं । सरकारले नेपाल न्याय सेवाको राजपत्रांकित विशिष्ट श्रेणी सचिव पदमा तीन जना सहसचिवको बढुवा गरेको छ ।

मन्त्रिपरिषद बैठकले खेमराज ज्ञवाली, यमबहादुर बुढामगर र भद्रकाली पोखरेललाई सचिव पदमा बढुवा गरी क्रमशः नायब महान्यायाधिवक्ता, न्याय परिषदको सचिव र सर्वोच्च अदालतको रजिष्टार पदस्थापन गर्ने निर्णय गरेको छ ।

राजपत्रांकित विशिष्ट श्रेणीका अधिकृतहरू मधुसुदन बुर्लाकोटीलाई राष्ट्रिय प्राकृतिक स्रोत तथा वित्त आयोगको सचिव, हरिप्रसाद मैनालीलाई स्वास्थ्य तथा जनसंख्या मन्त्रालयको सचिव र विनोदप्रकाश सिंहलाई महालेखा नियन्त्रक पदमा सरुवा गरेको छ ।

Published : Friday, 2024 May 31, 6:00 pm

फेसबुकबाट तपाईको प्रतिक्रिया