काठमाडौं । राष्ट्रिय सभाको संसदीय समितिको सभापतिमा नेपाली कांग्रेसकी सभापति कमला पन्तको समर्थन नेकपा (एमाले)ले गरेको छ ।

विकास, आर्थिक मामिला तथा सुशासन समितिमा कांग्रेसकी कमला पन्तको उम्मेदवारी परेको छ । पन्तलाई कांग्रेसका सांसद नारायणदत्त भट्ट र एमालेकी शारदादेवी भट्टले समर्थन गरेका छन् ।

फागुन २१ गते कांग्रेससँगको सहकार्य तोडेर माओवादी केन्द्रले एमालेसहितको गठबन्धन बनाएपछि ध्रुवीकरण बढेका बेला एमालेले कांग्रेसलाई राष्ट्रिय सभामा सभापतिमा सहयोग गरेर सहकार्यको हात बढाएको छ ।

सहमतिलाई अगाडि बढाउँदै दलहरूले राष्ट्रिय सभामा रिक्त रहेका संसदीय समितिको सभापतिमा प्रतिस्पर्धा नहुने गरी भागवण्डा गरेर उम्मेदवारी दिएका छन् ।

संघीयता सबलीकरण तथा राष्ट्रिय सरोकार समितिमा एमालेका सोनाम गेल्जेन शेर्पाको उम्मेदवारी परेको छ । शेर्पालाई माओवादीका गोपीबहादुर सार्की आछामी, एमालेकी इन्दिरादेवी गौतम र कांग्रेसकी दुर्गाकुमारी गुरुङले समर्थन गरेका छन् ।

पन्तलाई कांग्रेसका नारायणदत्त भट्ट र एमालेकी शारदादेवी भट्टले समर्थन गरेका छन् । राष्ट्रिय सभामा एमाले दलका नेता देवेन्द्र दाहालले सभामा राष्ट्रिय सहमति कायम रहेको बताएका छन् ।

विकास तथा सुशासन समिति सभापति उम्मेदवार पन्तले पनि पहिलेको सहमतिलाई निरन्तरता दिएर अगाडि बढेको बताइन् ।