बढुवासँगै तीन जना सहायक रथीहरुलाई जिम्मेवारी प्रदान

काठमाडौं । नेपाली सेनाका प्रधान सेनापति प्रभुराम शर्माले उपरथी दर्जामा पदोन्नति भएका सहायक रथीहरुलाई दर्ज्यानी चिन्ह प्रदान गरेका छन् ।

आइतबार जङ्गी अड्डा भद्रकालीमा आयोजित कार्यक्रममा प्रधान सेनापति शर्माले सहायक रथी सुनिल श्रेष्ठ, सहायक रथी अनुप जंग थापा र सहायक रथी प्रकाश देउजालाई पदोन्नति भएको दर्जाको दर्यानी चिन्ह प्रदान गरेका छन् ।

पदोन्नतिसँगै उपरथी श्रेष्ठ मध्यपश्चिम पृतनापति, उपरथी थापा राष्ट्रिय सुरक्षा परिषदको सचिवालयको सह–संयोजक र उपरथी देउजा, संभाररथी विभागमा नियुक्त गरिएको विज्ञप्तिमा उल्लेख छ ।

उनीहरू नेपाल सरकारको मिति २०८० फागुन ६ गतेको निर्णय अनुसार उपरथी दर्जामा पदोन्नति भएका हुन् ।

दर्ज्यानी चिन्ह प्रदान गर्न आयोजित कार्यक्रममा रथीवृन्द, अधिकृतहरूका साथै पदोन्नति भएका रथीवृन्दका परिवारजनको उपस्थिति रहेको थियो ।

Published : Monday, 2024 February 26, 6:59 am